Vikingsgirls <$BlogRSDUrl$>

mánudagur, júní 28, 2004


Varðandi fótboltan þá er ólíklegt að við fáum lausan tíma á grasinu og það er verið að gera eitthvað við salinn niðri í Vík. En eigum við ekki bara að mæta?? Það er fínt gras þarna fyrir framan Víkina sem við getum verið á og ef Austurbakkskarlarnir verða búnir þá megum við fara inn í sal. Því er mæting niður í Vík kl. 18:00, ég veit ekki hvort það sé laus klefi þannig að gerið bara ráð fyrir að við komumst ekki í sturtu.

k.v.
Steinunn

p.s. Ylfa ertu til að senda mér póst á steint@verslo.is þarf aðeins að tala við þig.

fimmtudagur, júní 24, 2004

Sælar og takk fyrir síðast. Það er greinilegt að við erum komnar í frí frá hvor annarri...þar sem það er ekkert að gerast hérna. En mig langaði bara til að stinga upp á fótbolta á mánudaginn næsta (28. júní) kl. 18:00 niðri í Vík. Endilega látið mig vita hverjar vilja mæta.

mánudagur, júní 21, 2004

Sælar stúlkur
Takk fyrir síðast, þetta var alveg snildardagur. Að sjálfsögðu fór rappliðið á kostum. Voru langfyrstar að koma sér uppá golfvöll, ég meina tilhvers að taka strætó þegar maður getur húkkað sér far og verið komið 45.min á undan hinum og fengið sér bjór;-). En held samt að kantrýliðið hafi farið mest á kostum í þessari þraut fyrir að hafa verið teknar af löggunni;-). Síðan rústaði rappliðið golfinu með Steinunni í broddi fylkingar:-). Eftir gólfið og biðina var haldið uppá bílaplanið við árbæjarlaug og þar voru tvær og tvær bundnar saman og áttum að labba cirka 10m og stúta heilum bjór og koma sér tilbaka. Rokkararnir unnu þessa þraut mjög naumlega, en rappararnir komu svo í öðru sæti. Eftir bjórþambið var haldið í árbæjarlauginna þar sem liðinni spreyttu sig í hinum ýmsu þrautum. Fyrsta þrautinn mesta splassið og vann rokkarinn Eygló hana. Önnur þrautin var hver er fljótust niður rennibrautina, kantrýkonana Anna kristín vann hana eftir mikið buð - einhverjir krakkaasnar alltaf að riðjast;-) Þriðja þrautinn var sunddans og auðvita van ballerínan hún Sigrún hana, enda sú eina sem var með reynslu á þessu sviði. Eftir smá pottachill og góða sturtu (þríþrautardæmið var ekki tekið á þetta núna ;-)) var haldið uppí Indjánagil þar sem við áttum að hlaupa niður finna e-h spjöld og svara spurningum úr hinum ýmsu áttum hlaupa svo tilbaka og stúta bjór, ég hafðí lært að reynslunni með bjórinn frá því fyrr um daginn og unnu því rappararnir þennnan lið. En kantrýkonur voru með flest rétt svör, enda komin tími hjá þeim að vera einhverntíman í fyrsta sæti ;-)
Eftir þetta var haldið heim til Baddý borðuð pizza og mikið drukkið. Úrslit voru síðan tilkynnt þegar líða tók á kvökdið. En fyrst voru mínus og plússtig gefinn, kantrý fékk + fyrir að vera tekin að löggunni, rokk fyrir flotta búninga, og rapp fyrir góða og mikla drykkja yfir daginn en þær fengu reyndar líka mínus stig fyrir tuð:-) En þrátt fyrir tuðið vann rappliðið með 17.stig, rokk í öðru með 16.stig og kantrí í þriðja með 15.stig.

En ég vil svo bara þakka óvissunefndinni fyrir frábærlega vel planaðan dag:-)

Takk fyrir síðast stúlkur :) Þetta var ljómandi óvissuferð! Ef þið lumið á einhverju slúðri eftir kvöldið þá skuluð þið endilega koma með það.

En hvernig er það, er ekki málið að ákveða hitting einhverntíma í fríinu og taka fótbolta utanhúss? Mér finnst það bara nauðsynlegt :)

fimmtudagur, júní 17, 2004

Óvissuferðin - liðaskipan
Takk fyrir síðast stelpur, þríþrautin vannst á 1 klst og 25 mínútum. Ég vil nota tækifærið til að óska Margréti til hamingju með þetta, hún hefur greinilega ekki þvegið sér í sturtunni áður en hún fór ofan í laugina, heheh. En fyrir þær sem ekki komu í þríþrautina þá er hérna liðaskipanið fyrir óvissuferðina á laugardaginn.
Mæting: 14:00 í Árbæjarlaug
Dagskrá: Óvissa
Liðaskipan:
Rappliðið
Margrét, Sigrún, Steinunn, Helga Birna, Barbara, Eva Halldórs
Rokkliðið
Guðmunda, Ásta, Linda, Eygló, Halldóra
Kántrýliðið
Anna, Nanna, Helga Torfa, Karó, Gyða

Nánari upplýsingar um hvað þið eigið að koma með og þessháttar getið þið fengið sent í emaili, látið okkur vita ef þið viljið það + email.
Þjóðhátíðarkveðja, Baddý, Lára og Andrea

miðvikudagur, júní 16, 2004

Sælar stúlkur
Ég er bara komin heim frá Spáni þetta var fín fjöldskylduferð og meira en nóg að gera. Við lentum í ýmsum hremmingum eins og að villast, veikjast, vera rænd, rigningu, brenndumst og fleira en samt mjög skemmtileg ferð. Þið eruð víst núna í þríþrautinni og án efa er hörð samkeppni en þar sem ég fór á fætur klukkan 2 í nótt þurfti ég og Andri Dagur að lúlla í dag þegar við komum og vorum að vakna. Annars held ég þríþrautin eigi í raun eftir að snúast um það hver verður fljótust í sturtu í Árbæjarlaug ;-)
Ég hlakka til að sjá ykkur á föstudaginn og eigið gleðilegan þjóðhátíðardag.
luv
Steinunn

Óvissuferðin nánari upplýsingar
Liðin verða tilkynnt í kvöld. Óvissuferðin byrjar á laugardaginn næsta kl. 14:00, þá verður mæting á ákveðinn stað. Til þess að liðin verði rétt og góð, þá verð ég að fá staðfestingu um hvort einhver komist ekki....kemur Helga Birna? Svona lítur listinn út yfir þær sem hafa staðfest:
Baddý,Ásta,Eygló,Lára,Linda?,Margrét,Guðmunda,Gyða,Anna,Steinunn,Sigrún,Nanna,Helga Torfa,Karó. Barbara kemur beint í partýið og það getur verið að Eva verði með okkur yfir daginn, en komi ekki í partýið.
Vantar einhverja?
Við sjáumst hressar í kvöld

þriðjudagur, júní 15, 2004

Eins og þið flestar vitið þá er hún Ylfa okkar í Búlgaríu í sumar og auðvita er hún að fara á kostum þar eins og hér heima. En hún sendi okkur smá pistil frá lífinu og tilverunni þarna út, svo er bara að vona að hún haldi áfram að skrifa okkur ;-)

14.06. kl. 23:30

Hæ hæ, hér í Búlgaríu er nú allt frekar dapurt akkúrat þessa stundina því
Svíþjóð var að vinna Búlgariú 5-0 í þeirra fyrsta leik á EM.
En jæja fyrir utan það er allt með besta móti, veðrið var alveg superb um
helgina 30° alveg þangað til á Sunnudagseftimiðdaginn en þá kom rigning og
þar á eftir þrumur og eldingar sem héldu út alla nóttina. Þar til fyrir
helgina er veðrið þó búið að vera frekar sorglegt....og ekki bætti úr skák
að á sumrin er hitinn bara tekinn af í húsunum. Þ.e.a.s. Ofnarnir eru out.
Þannig að þegar það er kalt úti er KALT inni, því kuldinn bara lokast
einhvern veginn inni. Fyrstu nóttina sváfum við í lopapeysum, síðermabolum
og buxum með sæng og teppi. Nú er samt allt að hlýna og smá roði kominn á
axlir og bringu.
Húsakynni og staðsetning, bæði til fyrirmyndar. Íbúðin reyndar á þriðju hæð
og enginn lyfta....En það er bara exercise af góða taginu. Ef maður ætti að
reyna að líkja götunni við götu í RVK þá er það bara eins og Barónsstígur
eða álíka. Búum nefnilega á hliðargötu af Aðalgötunni (Laugavegi Sofiu) sem
[UTF-8?]heitir BИТOШA eða með latneskum stöfum Vitosha. S.s. við erum mjög Central.
Allt hér er svaðalega ódýrt, sb. Að fara í bíó kostar nákvæmlega 225kr ísl.
Að taka strætó tæplega 16 kr. Ísl. Að fara út að borða fínt og fá forrétt,
gott pasta, og að drekka fyrir TVO í kringum 700-750 ísl.kr. Ég gæti
haldið áfram endalaust.
Mikið af betlurum...sérstaklega á Vitosha, en þar eru einnig sígaunar sem
hafa það bara fyrir atvinnu að betla og fara svo heim og skila af sér.
Maður þekkir þau í sundur því Sígaunarnir eru miklu aggressívari heldur en
hinir.
Búinn að vera að æfa með Handbolta liði hér sem heitir CSKA Sofia og þær
eru mjög góðar......þær eru rosalega margar að æfa saman á mismunandi
aldri. Á mínum æfingum eru allt frá 91 módelum til 83(hún er elst svo er
ein 84) Allavega þær eru að fara í keppnisferðalag(Championship) núna í
Júlí og er það í bæ sem heitir Burgas og er við Svartahafið. Þær eru búnar
að spurja hvort ég vilji koma með og auðvitað sagði ég að ef það væri í
lagi með þjálfaranum og allt mundi ég gjarnan vilja koma. Hún sagði að ég
[UTF-8?]mætti alveg koma og “even play” einsog hún orðaði það:) það er samt ekki
fyrr en 6.júlí og þangað til æfum við tvo tíma á öllum virkum dögum. Ég er
reyndar að fara núna á sunnudaginn með þeim til bæjar hérna rétt fyrir
sunnan Sofiu að keppa æfingaleik held ég að það sé....það verður
áhugavert...segi ekki meir.;)
Ég byrjaði í morgun á Búlgörsku námskeiði í SOFIA UNIVERSITY. Það eru 8 í
bekknum frá 7 löndum. Frekar erfitt tungumál, sérstaklega útaf öðruvísi
stafrófi augljóslega....En ekkert óyfirstíganlegt samt.....vona ég!
Jæja í stuttu máli er ekki mikið fleira að segja, fyrir utan náttúrulega
hvað ísinn hér er Ótrúlega GÓÐUR. Og eins og við vitum er ekkert hættulegra
en ótrúlega góður og Ótrúlega ódýr ís.
Já svo gekk mér ágætlega í samræmdu fékk tvær níur(Danska og
Samfélagsfræði), tvær níu-fimmur(Stærðfræði og Enska og eina áttu(Íslenska)
Svipað með skólaprófin....fékk 9,5 í meðal þar.
Já alveg rétt IB braut. Fyrir þær sem voru að spyrja.
IB er frekar ný braut sem er bara í MH og er hún þrjú ár og kennd á ensku.
Þá meina ég allt á ensku..Heimavinna, Kennsla og fl. sem er auðvitað mjög
góður grunnur fyrir Háskóla þar sem námsbækur eru yfirleitt á ensku. Þetta
er í rauninni bara einsog ensk menntaskólabraut tekin beint frá Englandi
eða whatever og færð inní skólann. Til stúdentprófs auðvitað. Sex fög í
kjarna, Enska, Íslenska, Stærðfræði, Ritgerðare-ð, Raungreinar og
Samfélagsfræði. Virkar allavega voða spennandi.
Heyrðu þetta er orðið soldið langt hjá mér.....Ef þið eruð ennþá að lesa
bið ég að heilsa þeim sem náðu ekki að klára eða eru ekki með netið eða þið
vitið.
Verð í sambandi.....Kær kveðja,kossar og knús frá mér til
[UTF-8?]allra:)...йЛФa!(Ylfa)

Sælar stúlkur

Það er aldeilis hvað ég er orðin löt í þessum bloggmálum, en ég lofa að bæta mig ;-)
En ein pæling hjá mér, síðasta haust þá gerðum við svona msn lista svo við gætum verið í meira bandi. Er ekki komin þörf á að uppfæra þennan lista ? Þannig að er ekki málið að allar seti adressurnar sínar í commentið og svo getum við farið að slúðra ;-)

Óskar þjálfari (eða Skari crazý eins og við köllum hann þessa daganna eftir að við fengum að vita hvernig þríþrautin væri) bað okkur að koma því á framfæri að klifrið á föstudag kostar 4000.kr fyrir allan hópinn, þannig allar að koma með 300-400.kall.

En Baddý og Lára hvenær verða liðin tilkynnt fyrir óvissuferðina, eða verða kannski ekki lið ???

mánudagur, júní 14, 2004

Óvissuferð
Nú verðum við að vita nákvæmlega hverjar komast og hverjar ekki.
Getið þið svarað í kommentakerfinu hvort þið komist 19. júní eður ei. Þetta er mjög mikilvægt.
Þessar eru búnar að svara játandi (voru á æfingu í dag eða er vitað um):
Ásta, Margrét, Anna, Sigrún, Nanna, Karó, Baddý, Lára, Eygló, Steinunn og Guðmunda.
Þær sem ekki eru á þessum lista, látið vita hvort þið komið.
Búið ykkur undir mikla keppni, Baddý og Lára

Gleymdi að segja eitt, æfingin í dag (þriðjudag) verður kl. 18:00. Lyftingar og útihlaup og jafnvel séræfing fyrir línu/hornamenn ef það verður pláss öðru megin í salnum.

Góðan daginn stúlkur
Ég ætla að fara síðustu ferðina okkar í sporthúsið í dag og því er þetta síðasti séns til að kaupa kort. Við erum búnar að fylla kvótann og meira að segja aðeins meira en það, þannig að þetta er allt í góðum málum. Við erum ansi góðir sölumenn.
En annars verður æfing kl. 18:00 í dag, veit nokkuð einhver hvort það verður séræfing í dag?
Svo var ég að heyra skemmtilegar fréttir varðandi þríþrautina á miðvikudaginn, veit ekki alveg hvort hún er sönn en svona lítur þríþrautin út: Byrjað í víkinni, hjólað upp í árbæjarlaug, synda 500 metra, hjóla aftur niður í Vík, hlaupa frá víkinni í Nauthólsvík og aftur til baka. Þetta verður keppni...megi sú besta vinna. En endilega látið vita í kommentakerfinu hvort þið vitið eitthvað meir um séræfingu í dag. Kveðja Baddý

fimmtudagur, júní 10, 2004

Blessaðar pæjur
Helga Birna bað mig um að koma eftirfarandi skilaboðum á framfæri: Það verður hefðbundin handboltaæfing skv. plani í dag. Semsagt inni í sal kl. 18:00. Helga ætlar að stjórna æfingunni og hún er búin að lofa fjöri. Við sjáumst í dag.

miðvikudagur, júní 09, 2004

Þá er komið á hreint hvernig planið verður í júní.

Óskar bað okkur um að koma því á framfæri hvernig málum verður háttað þann 16. og 18. júní (frí 17. júní Sigrún).

Þann 16. júní er stefnan tekin á að hafa þríþraut; sund, hjól og (man ekki þetta þriðja - commentakerfi takk) . Föstudaginn 18. júní verður síðan klifur.

Vinsamlegast leiðréttið mig ef ég misskildi þetta og líka ef einhver veit hver þriðja þrautin er í þríþrautinni má endilega deila því með okkur hinum.

mánudagur, júní 07, 2004

Blessaðar stúlkur
Óskar þjálfari var að senda okkur póst þar sem hann spyr hversu margar af okkur eigum nothæf hjól. Getið þið svarað hérna í kommentakerfið um leið og þið sjáið þetta :) Ég á allavega hjól.... kveðja Baddý

miðvikudagur, júní 02, 2004

Sveitasagan

jæja stúlkur ætli maður verði ekki að verða við bón ykkar og koma með smá sveitapistill..

Jæja ég brunaði austur á þriðjudag og beint í mjaltir. Mjólkaði með ábúendum áður en þau héldu á stað til Spánar, þetta leit allt vel út enda ekkert mál að mjólka 35 kusugrey ;-). En það er nú líka margt annað í kringum þessi kvikindi sem þarf að gera moka undan þeim skítin, gefa þeim hey og fóðurbætir og svo auðvita bara knúsa þær og kyssa svo þær séu góðar við mann ;-) Þetta semsagt gerði ég á hverjum morgni klukkan 7 og svo aftur kl 6 á kvöldinn. Á milli þess var ég nú bara í hinu og þessu stússi t.d fór ég á hverjum morgini að kíkja á féð athuga hvort þá hefðu það ekki allt gott greyinn og hvort liltu sætu lömbunum liði ekki vel. Þetta leit nú yfirleitt alltaf vel út þurfti held ég ekki að elta nema eina rollu uppi og fékk að launum vænan marblett, var ekki sátt þá. En það má auðvita ekki gleyma svo litlu sætu heimalingunum. Tveir af þeim voru munaðarlausir eftir að móðir þeirra dó drottni sínum, fæðingin var henni greinilega ofviða. Sá þriðji hafði orðið fyrir því óláni að fara úr stígunni sinni og fara í aðra þar var rolla sem ekki var sátt við það og stangaði greyið lambið illa í hausinn og ef þetta blessaða lamb væri menskt þá myndi það eflaust vera fatlað. En þrátt fyrir þeirra galla þá þótt mér osslega gaman að kjassa þau reglega, en samt sem áður leiðinlegt að seiga frá því að tvem dögum eftir að ég fór þá dó fatlaði lambið. Svo yfirleitt eftir hádeigi þá fór ég að hreinsa moðið úr fjósinu og gefa hrossunum það, mikið voru þau nú alltaf glöð að sjá mig;-) Svo á föstudagsmorgninum kastaði merinn á bænum myndarlegum brúnum klár. Þannig að Strúna bóndi arkaði uppí fjall að kíkja á gripin og ath hvort ekki væri alltílagi. Allt leit þetta vel út, en þegar ég var að knúsa folaldið þá bara kemur merin að mér ekki sátt og ætlaði bara í mig þannig að ég forðaði mér - já það er magnað hvað móðurástin getur verið sterk;-). Svo var ég líka að passa 3 litla sæta hvolpa sem eru bara mestu dúllur í heimi og tvö kettlinga. Reyndar soldið sérstakt með þessa kettlinga en þeir voru undan sitthvori læðunni en vildu vera í sama kassa (kettir venjulega vilja það ekki þegar þeir eiga börn), þannig að ég er með þá kenningu að þær hafi verið lellur. Svo alltaf eftir mjaltir á kvöldin smalaði ég heimatúnið en þar var svona vandræðafé sem þurfti að fylgjast vel með, og auðvita massaði doktor Strúna það;-)

En jæja held að þetta sé það helsta sem dreif á daga mína á þessum fjórum dögum. Svo auðvita var maður að stússast í garðyrkjunni líka, massaði garðinn hjá ömmu og setti niður karteflurnar. Síðan borðaði ég alveg ógeðslega mikið því ég var í mat hjá ömmu og hún er nú ekki sátt ef uppáhaldsbarnabarnið borðari ekki endalaust - díses ég var bara alltaf södd..


Góðan daginn stelpur
Þær sem eiga eftir að kaupa kort í sporthúsið, þá er ég að fara eina ferð þangað í dag. Þannig að ef þið viljið vera með í þessari ferð, millifærið þá inn á mig fyrir kl. 16:00 í dag. Upplýsingar um reikningsnúmer fáið þið ef þið sendið mér email á baddy [ at ] ru.is.
En annars finnst mér eiginlega komið að Sigrúnu sveitagellu að skrifa eitthvað sniðugt hérna á bloggið, t.d. ferðasögu eða eitthvað skemmtilegt. Eruð þið ekki sammála stelpur?
kv. Baddý

þriðjudagur, júní 01, 2004

Blessaðar
Þetta var nú aldeilis góð helgi....en ég er með eina lauflétta spurningu?
Á föstudagsæfingunni voru einhverjar að tala um að v/ leiksins hjá strákunum í kvöld þá mættum við ekki vera inni í vík eftir kl. 18:00 ?? eða eitthvað álíka. Það á að vera æfing hjá okkur kl. 19:30 inni í sal, verður hún þá ekki? Eigum við því að fara fyrir kl. 18 í dag eða í sporthúsið?
Kveðja
Baddý

This page is powered by Blogger. Isn't yours?